काठमाडौं, १३ असोज । प्रेस काउन्सिल नेपालका अध्यक्ष उमेश श्रेष्ठलाई कार्यकक्षमै ‘झ्यालबाट टिपेर फालिदिन्छु’ भन्दै धम्की दिइएको घटनाप्रति काउन्सिलले गम्भीर ध्यानाकर्षण भएको जनाएको छ ।
मंगलबार नेपाल पत्रकार महासङ्घको नेतृत्वसँग लोककल्याणकारी विज्ञापनबारे छलफलका क्रममा पत्रकार दीपक पाण्डेले अध्यक्षलाई धम्कीपूर्ण अभिव्यक्ति दिएको काउन्सिलले जनाएको छ ।
छापामाध्यम बचाउ सुझाव कार्यदलका मागबारे छलफल भइरहेका बेला काउन्सिलका कर्मचारीमाथि समेत अपमानजनक व्यवहार भएको भन्दै काउन्सिलले आपत्ति जनाएको छ ।
काउन्सिलले पेसागत माग र असहमतिलाई सम्मान गर्ने भए पनि संस्थागत छलफलमा धम्कीपूर्ण भाषा र अमर्यादित व्यवहार स्वीकार्य नहुने स्पष्ट पारेको छ।
