काठमाडौं, १६ वैशाख। राष्ट्रिय गौरवको माथिल्लो तामाकोसी जलविद्युत् आयोजनाको सुरुङमा पानी खसाल्ने कामको शुुभारम्भ गरिएको छ ।
भौतिक पूर्वाधार तथा यातायातमन्त्री वसन्तकुमार नेबाङ र सञ्चार तथा सूचना प्रविधिमन्त्री एवम् नेपाल सरकारका प्रवक्ता पार्वत गुरुङले आज संयुक्त रुपमा पानी पठाउने कार्यको शुभारम्भ गरेका छन ।
देशको गौरव स्वदेशी लगानीको सबैभन्दा ठूलो र आधुनिक नेपालको महत्वपूर्ण आयोजनाबाट विद्युत उत्पादन गर्ने अवस्थामा पुग्नु आफैमा सुखद कुरा हो ।
दोलखाको लामावगरमा रहेको ४५६ मेघावाट विद्युत् क्षेमताको आयोजना हालसम्मकै सवैभन्दा ठूलो लगानीको परियोजना पनि हो ।
समृद्ध नेपाल सुखी नेपालीको सपना पूरा गर्ने कोशेढुङ्गा माथिल्लो तामाकोसी जलविद्युत आयोजनाको जलाशय, बाँध, इन्टेक र अन्य संरचनाहरुको मन्त्रीद्वयले अवलोकनसमेत गरेका छन् ।
यसै अवसर पारेर लामाबगरको गोंगरस्थित विद्युत गृहको पनि अवलोकन गरेका छन ।
केहीदिनभित्रै उक्त आयोजनाबाट विद्युत उत्पादन कार्य हुने र त्यसको शुुभारम्भ प्रधानमन्त्री केपी शर्मा ओलीले गर्ने कार्यक्रम छ ।
यस आयोजनाको सुरुङमा पानी खसाल्ने कार्यको शुभारम्भ उर्जामन्त्री टोपबहादुर रायमाझीसमेत जाने कार्यक्रम थियो । तर कोरोना संक्रमणका कारण रायमाझी जान सकेनन् ।
यसैबीच, मन्त्रीद्धयले चीन जोड्ने लामाबगर–लप्ची सडकको सूरुङ मार्ग बनाउने स्थलको पनि निरीक्षण गरेका छन ।
